Самы загадкавы манускрыпт у свеце з'явіўся ў адкрытым доступе
2- 14.01.2018, 10:52
- 18,082
Копію дакумента можна цяпер купіць за восем тысяч еўраў.
Адзін з самых таямнічых манускрыптаў у гісторыі ўсяго чалавецтва захоўваецца ў Ельскім універсітэце.
Ні час яго напісання, ні аўтар, ні сэнс не вядомыя, бо прачытаць яго нікому так і не ўдалося, паведамляе hronika.info.
Багатых калекцыянераў дзіўных артэфактаў, наважыла ашчаслівіць гішпанскае выдавецтва Siloé - яно выдала манускрыпт найбольш падобны да арыгіналу, накладам 989 асобнікаў. Кніга прадаецца па 8 тысяч еўраў за асобнік. Пакупнікамі само сабой стануць заможныя калекцыянеры і даследчыкі, якім найбольш цікавая таямніца рукапісу.
Таямнічы манускрыпт называюць па імені яго ўладальніка - калекцыянера Войніч, які выявіў кнігу ў 1912 у Італіі. Кніга сама па сабе вельмі прыгожая, маляўнічая. Яна запоўненая прыгожымі малюнкамі раслін, вытанчанымі прыгажунямі. Навукоўцы, якія займаліся вывучэннем гэтай кнігі, так і не зразумелі на якой яна мове, але затое ўжо зняпраўдзілі здагадку, што на старонках напісана абракадабра. Кажуць, што кніга магла быць напісаная двума рознымі людзьмі: адзін маляваў, а другі пісаў.