Беларусы пояць півам расейцаў, а самі ўпадабалі ўкраінскае

Беларусь стала другім экспартным рынкам для ўкраінскіх півавараў.

Паводле звестак галіновай кампаніі ў вытворчасці піва, безалкагольных напояў і мінеральных вод «Укрпіва», на беларускі рынак прыпала 21,66% ад усяго аб'ёму экспарту гэтага напой у мінулым годзе.

Галоўным экспартным рынкам для півавараў Украіны ў 2017 годзе стаў Алжыр (22,07%), трэцяе месца заняла Малдова (20,45%), піша «Заўтра тваёй краіны».

Усяго, паводле звестак мытнай статыстыкі, на якія спасылаецца «Укрпіва», было адпраўлена за мяжу піва на 31,8 млн даляраў, што на 66% больш, чым ў 2016 годзе.

Украіна закончыла мінулы год з адмоўным піўным сальда: імпарт, павялічыўся на 44%, склаў 35,8 млн даляраў.

У адрозненне ад яе Беларусь, відавочна, упершыню ў сваёй гісторыі скончыць піўный год са станоўчым сальда - гэта значыць экспартуе піва больш, чым увязе.

Паводле звестак Нацыянальнага статыстычнага камітэта Беларусі, за студзень-кастрычнік 2017 года экспарт піва, вырабленага на беларускіх піўзаводаў, склаў 113 626 тысяч літраў на суму 48,9 млн даляраў. Піўны імпарт у гэты ж перыяд быў значна меншы і ўпершыню за шмат гадоў саступіў экспарту - 76 964 тысяч літраў на суму 37 млн даляраў. Паводле папярэдніх звестак, станоўчая розніца ў аб'ёмах экспарту і імпарту захавалася да канца 2017 года.

Гістарычны прарыў дапамог здзейсніць расейскі галіновы рынак. Па выніках студзеня-кастрычніка мінулага года аб'ёмы паставак на яго выраслі на 122%. У Расею было пастаўлена беларускага піва на суму 34,7 млн даляраў, што ўдвая перавышае паказчык за аналагічны перыяд 2016 года. Імпарт расейскага піва ў Беларусь практычна не змяніўся.

Украіна з'яўляецца другім паводле аб'ёму піўным партнёрам Беларусі. Пакуль з яе імпартуецца піва больш, чым экспартуецца. У студзені-кастрычніку 2017 года, паводле звестак Белстату, беларускія заводы экспартавалі піва ва Украіну на суму 8,7 млн даляраў, а імпарт склаў 10,3 млн даляраў.