У Паўночным Косава застрэлены лідар прасербскага руху

Олівер Іванавіч быў застрэлены каля офіса партыі ў горадзе Косаўска-Мітровіца.

Лідар сербскай партыі «Свабода, дэмакратыя, праўда» Олівер Іванавіч быў застрэлены каля офіса партыі ў горадзе косаўскай-Мітровіцы ў Паўночным Косаве, паведамляе bbc.com.

Са слоў прадстаўніка адваката Іванавіча, палітык атрымаў пяць агнястрэльных раненняў. Іванавіча даставілі ў лякарню, але лекары яго не ўратавалі.

Олівер Іванавіч быў адным з лідараў косаўскіх сербаў. У 2008 - 2012 гадах ён займаў пасаду дзяржсакратара ў справах Косава ва ўрадзе Сербіі.

У студзеня 2016 ён быў прысуджаны да дзевяці гадоў турмы паводле абвінавачання ў ваенных злачынствах супраць албанцаў у 1999 годзе.

Іванавіч намагаў на сваёй невінаватасці. У лютым 2017 года пасля апеляцыі прысуд быў скасаваны і над палітыкам пачаўся новы працэс.

Як паведамляе агенцтва ТАСС са спасылкай на мясцовыя СМІ, ля прыёмнай партыі і ў лякарні, дзе памёр Іванавіч, пачалі збірацца людзі.

З паведамленняў мясцовых СМІ, нападнікаў было некалькі. Яны ўцяклі з месца злачынства, цяпер паліцыя іх шукае.

У 2008 годзе Косава ў аднабаковым парадку абвясціла незалежнасць ад Сербіі, якую пазней прызнала больш за палову краін-чальцоў ААН, у тым ліку большасць еўрапейскіх дзяржаў.

Незалежнасць Косава цяпер прызнаюць 115 дзяржаў.