ЗША: Расея павінна спыніць пастаўкі зброі сваім стаўленікам на Данбасе

Толькі Крэмль можа спыніць кровапраліцце ва Украіне.

Расея павінна спыніць пастаўкі смяротнай зброі баевікам на часова акупаваных тэрыторыях Украіны. Пра гэта заявіла прэс-служба амбасады ЗША ва Украіне на старонцы ў Twitter 13 кастрычніка паведамляе "Гордон".

"Расея павінна спыніць выдачу смяротнай зброі пад покрывам ночы сваім стаўленікаў на ўсходзе Украіны. Зброя, якую фіксуюць беспілотнікі назіральнікаў спецыяльнай маніторынгавай місіі АБСЕ, забівае вайскоўцаў і цывільных людзей. Толькі Расея можа спыніць кровапраліцце ва Украіне", - гаворыцца ў паведамленні.

Так у пасольстве пракаментавалі інфармацыю СММ АБСЕ, якая 12 кастрычніка паведаміла ў Twitter, што яе беспілотнікі непадалёк ад украінска-расейскай мяжы ў Данецкай вобласці зафіксавалі "калону грузавікоў, якія пасярод ночы ехалі па грунтавай дарозе, дзе адсутнічаюць памежна-прапускныя пункты". Адзін з грузавікоў, са звестак СММ АБСЕ, перавозіў зенітную ўстаноўку.