Турцыя і Саудаўская Арабія дамовіліся аб справе наконт зніклага журналіста
2- 15.10.2018, 12:30
- 7,696
Для расследавання знікнення журналіста створаць супольную турэцка-саудаўскую працоўную групу.
Прэзідэнт Турцыі Раджэп Таіп Эрдаган абмеркаваў з каралём Саудаўскай Арабіі Салманам ібн Абдул-Азізам Аль Саудам справу зніклага саудаўскага журналіста Джамаля Хашогі. Пра гэта паведамілі ў адміністрацыі кіраўніка турэцкай дзяржавы, піша Anadolu.
Інцыдэнт са знікненнем журналіста кіраўнікі дзяржаў абмеркавалі праз тэлефон.
"Кіраўнікі дзяржаў падкрэслілі значнасць стварэння супольнай турэцка-саудаўскай рабочай групы для расследавання справы Джамаля Хашогі", - гаворыцца ў паведамленні.
Нагадаем, журналіст, які крытыкаваў Саудаўскую ўладу, і які апошнім часам працаваў у Washington Post, знік 2 кастрычніка. Пасля таго, як ён зайшоў у консульства Саудаўскай Арабіі ў Стамбуле, яго ніхто не бачыў.
Турэцкія ўлады заявілі, што маюць відэа- і аўдыёзапісы, якія даводзяць, што Хашогі забілі ў консульстве.