Пуцін узнагародзіў збітых Какорыным і Мамаевым чыноўнікаў

Дзяніса Пака і Сяргея Гайсіна адзначылі за ўнёсак у стварэнне айчынных аўтамабіляў.

Кіраўнік дэпартамента Мінпрамгандлю Дзяніс Пак і гендырэктар ГНЦ ФГУП «НАМІ» Сяргей Гайсін, пацярпелыя тыдзень таму ў бойцы з расейскімі футбалістамі Аляксандрам Какорыным і Паўлам Мамаевым, адзначаныя дзяржузнагародамі. Пак ганараваўся медалём ордэна «За заслугі перад Бацькаўшчынай» II ступені, Гайсін - ордэнам Аляксандра Неўскага. Прэзідэнцкі ўказ аб узнагароджанні апублікаваны на партале прававой інфармацыі, піша РБК.

З дакумента вынікае, што абодва чыноўнікі ўзнагароджаныя «За вялікі ўнёсак у рэалізацыю праекта «Адзіная модульная платформа», які дазволіў стварыць шырокі мадэльны шэраг айчынных аўтамабіляў».

Акрамя Пака і Гайсіна дзяржузнагарод з такой жа фармулёўкай удастоеныя яшчэ 18 чалавек. У асноўным гэта супрацоўнікі Мінпрамгандлю і «НАМІ».

Дзяржаўны навуковы цэнтр Расейскай Федэрацыі ФГУП «НАМІ» з 2013 года рэалізуе праект «Картэж». У рамках праекта на адзінай модульнай платформе ствараюцца лімузін, пазадарожнік, седан і мінівэн прадстаўніцкага класа. Прэзідэнцкі лімузін праекта «Картэж» Пуцін упершыню выпрабоўваў на інаўгурацыі 7 траўня 2018 года. У канцы жніўня кіраўнік Мінпрамгандлю Дзяніс Мантураў казаў, што першыя пастаўкі аўтамабіляў сямейства Aurus праекта «Картэж» пачнуцца налета.

У мінулы панядзелак, 8 кастрычніка, Пак і Гайсін пацярпелі ў інцыдэнце з удзелам Какорына і Мамаева ў адной з кавярняў у цэнтры Масквы. Відэазапіс здарэння з'явіўся ў Сеціве. На кадрах бачна, што група моладзі завязвае канфлікт з чыноўнікамі, пасля чаго адзін з іх атрымлівае ўдар крэслам у галаву. Пацярпелым выявіўся Дзяніс Пак. Чыноўніку спатрэбілася шпіталізацыя. Акрамя таго, за 40 хвілін да інцыдэнту футбалісты разам з маладзёнамі, якія суправаджалі іх, збілі кіроўцу тэлевядоўцы «Першага канала» Вольгі Ушаковай, які зрабіў ім заўвагу. Кіроўцу таксама шпіталізавалі.

Цяпер футбалісты арыштаваныя на два месяцы. Ім ставяць у віну арт.216 КК РФ (пабоі) і ч.2 арт.213 КК РФ (хуліганства арганізаванай групай).