У Маскве арыштавалі намесніка «кіраўніка Крыму»

ФСБ праводзіць ператрусы.

У Маскве затрыманы намеснік «кіраўніка Крыму» Сяргея Аксёнава экс-старшыня «камітэта ў эканамічнай, бюджэтна-фінансавай і падатковай палітыцы» Віталь Нахлупін. Пра гэта сказалі РБК дзве крыніцы, блізкія да кіраўніцтва рэгіёну і суразмоўца ў рэгіянальнай управе МУС.

Крыніца РБК ва ўправе Крыма звязала затрыманне Нахлупіна з сітуацыяй вакол дарожных тэндараў. Нахлупін курыраваў дарожнае будаўніцтва, а таксама адказваў за рэалізацыю федэральнай мэтавай праграмы будаўніцтва дарог, распавяла РБК крыніца ў МУС.

Афіцыйна затрыманне Нахлупіна сілавікі і «ўлады» акупаванага Крыма пакуль не каментуюць.

Акрамя таго раніцай у сераду, 17 кастрычніка, прайшлі ператрусы ў «камітэце канкурэнтнай палітыкі» Крыма, і ў «службе аўтамабільных дарог» Крыма, распавяла РБК крыніца ў рэспубліканскім МУС.

Крыніца РБК у адной з інфраструктурных кампаній кажа, што ператрусы з удзелам супрацоўнікаў ФСБ праходзяць у «Крымскай чыгунцы» і ў «службе аўтадарог» Крыма. «Усё ачэплена АМАПам», - сказала крыніца. Прадстаўніца «службы аўтадарог» Крыма не адказала на тэлефанаванні РБК. Федэральны чыноўнік сказаў РБК, канфіскацыі прайшлі і ў «Крымэнэрга».