СМІ: Аляксей Шпілеўскі рыхтуецца ўзначаліць «Кайрат»

Былы трэнер берасцейскага «Дынама» ужо пабываў на базе клуба.

Экс-кіраўнік берасцейскага «Дынама» Аляксей Шпілеўскі можа стаць галоўным трэнерам казахстанскага «Кайрата». Як паведамляе prosports.kz, беларускі спецыяліст ужо пабываў на базе алмацінскага клуба са сваёй маці, якая з'яўляецца ў сумяшчальніцтве ягонай агенткай.

Шпілеўскі гуляў у дзіцяча-юнацкіх камандах «Штутгарта». Аднак праз траўму быў вымушаны закончыць кар'еру ў раннім узросце. У 21 год ужо атрымаў трэнерскую ліцэнзію «А» ў Нямеччыне. У «Штутгарце» дапамагаў трэнеру каманды U-13, а пазней узначаліў каманду U-12. У 2013 годзе стаў трэнерам у сістэме «Лейпцыга», дзе папрацаваў з юнакамі ад 13 да 16 гадоў. Улетку 2018 года ўзначаліў берасцейскае «Дынама», але праз месяц быў адпраўлены ў адстаўку.