Эльвіра Герман: Я за радзіму і за родных жыццё аддам, не задумваючыся

Беларуская лёгкаатлетка падзялілася ўражаннямі пасля чытання кніг Святланы Алексіевіч.

- А памятаеш, ты мне раіў Святлану Алексіевіч? Дык вось, «У вайны не жаночае аблічча» і «Апошнія сведкі» прачытаныя. Ты меў рацыю - зачапіла. Там, дзе дзеці на вайне асабліва... Запомнілася гісторыя дванаццацігадовага хлопца, які трапіў у канцлагер. Як яго трымалі ў яме з халоднай вадой, як збівалі. Я была ў шоку, плакала над гэтай кніжкай. Не ўяўляю, колькі ж гэтыя людзі перанеслі ў жыцці, колькі перацярпелі. Мне здаецца, пабываўшы на мяжы паміж жыццём і смерцю, пазбавіцца ад гэтага ўжо немагчыма.

Ну і жанчыны на вайне... Я ж як раней пра іх думала? Што яны з торбамі санітарак носяцца і параненых з поля бою выцягваюць. А вось каб самі ішлі ў бой з аўтаматамі... збягаюць з дому ў шаснаццаць гадоў, каб біць фашыстаў.

- Ты б збегла?

- Мне здаецца, так. Я за радзіму і за родных жыццё аддам, не задумваючыся. І аўтамат у рукі таксама вазьму, - цытуе Герман «Прессбол».