Аляксей Шпілеўскі ўзначаліў «Кайрат»

Экс-трэнер берасцейскага «Дынама» падпісаў кантракт з казахскім футбольным клубам.

Былы галоўны трэнер берасцейскага «Дынама» Аляксей Шпілеўскі падпісаў кантракт з «Кайратам», паведамляе by.tribuna.com са спасылкай на prosports.kz.

30-гадовы беларус пабываў на базе Алмаацінскага клуба са сваёй маці, якая з'яўляецца ягоным агентам.

Ранейшы галоўны трэнер «Кайрата» гішпанец Карлас Алос пакінуў пасаду па ўзаемнай згодзе.

Пасля 28 матчаў клуб займае ў табліцы чэмпіянату Казахстана другое месца.

Адзначым, што за «Кайрат» выступаюць абаронца нацыянальнай каманды Беларусі Сяргей Паліцэвіч і экс-гулец «Зеніта» і «Арсенала» Андрэй Аршавін.