Сечын асцерагаецца нафтавага дыктату ЗША

Кіраўніка «Раснафты» сур'ёзна турбуе роля ЗША на сусветным рынку нафты.

ЗША становяцца дыктатарам на сусветным рынку нафты за кошт сланцавай здабычы, хаўрусніцкіх стасункаў з Саудаўскай Арабіяй і палітыкі санкцый у дачыненні да найбуйнейшых здабываючых краін, заявіў на Еўразійскім эканамічным форуме ў Вероне кіраўнік «Раснафты» Ігар Сечын, паведамляе finanz.ru.

Пад амерыканскімі санкцыямі знаходзяць траціну сусветных запасаў нафты і кожны пяты барэль здабычы. «Гэта безумоўны антырэкорд», - сказаў Сечын, дадаўшы, што ЗША «ўжываліся ў ролю рэгулятара сусветнага рынку нафты, кіруючыся далёка не бескарыслівымі інтарэсамі».

«Сланцавая здабыча, экспарт узбраення - амерыканская эканоміка прагматычна выйграла за кошт санкцый, што ўводзяцца супраць іншых краін», - заявіў кіраўнік «Раснафты».

«Адзіная парада, якую я магу даць нашым партнёрам - прыгатуйцеся да дыктату, - цытуе Сечына ТАСС. - Вынікам палітыкі аднабаковых санкцый стане страта значнай часткі суверэнітэту і кантролю над сваёй эканамічнай, энэргетычнай палітыкай многімі ўдзельнікамі рынку».

Іншымі следствам стане дэфіцыт нафты ў свеце, уважае Сечын: праз санкцыі наўпрост блакуюцца праекты ў Іране і Венесуэле, фінансавыя і тэхналагічныя абмежаванні накладзеныя на расейскую нафтавую галіну.

Свабодных магутнасцяў у АПЕК, са слоў Сечына, недастаткова для кампенсацыі здабычы: у выніку «любая знешняя негатыўная падзея ў свеце можа прывесці да новага рэзкага росту коштаў нафты і рызык для сусветнай эканомікі».

Да 2040 года праз знясіленне з рынка сыдуць радовішчы магутнасцю 40 млн барэляў у дзень (з 100 млн бягучай здабычы). Для іх замяшчэння патрэбныя «маштабныя інвестыцыі».

Менавіта гэта, а не «гіпатэтычнае» дасягненне пікавага попыту стане галоўным рухальным фактарам для рынку на найбліжэйшыя дзесяцігоддзі, уважае кіраўнік «Раснафты».

Прагнозы скарачэння спажывання праз развіццё электратранспарту могуць не апраўдацца, уважае ён. Вытворчасць электрамабіляў спалучаная з экалагічнымі рызыкамі, а іх перспектывы могуць апынуцца не гэткімі аптымістычнымі, сказаў Сечын.