Відэафакт: У Гомелі камунальнікі косяць снег

Гэта трохі нагадвае нейкі фантастычны фільм.

Настойлівае імкненне нашых камунальнікаў выкошваць любую расліннасць, ледзь яна падрасла, даўно ўжо стала прыпавесцю. Але трава даўно ўжо не расце - а касіць усё роўна працягваюць, піша gomel.today.

14 лістапада ў Гомелі пайшоў густы снег. Аварыйная сітуацыя на праезнай частцы і проста слізкія ходнікі, відавочна, прымушалі прыняць тэрміновыя захады іх расчысткі. Але частка сіл гарадскіх службаў і ў снегапад была занятая звыклай справай - выкасам травы. Правядзенне гэтых работ у раёне Лядовага палаца і гаражнага кааператыва №19 была знятая гамельчуком на мабільны тэлефон. Гэтыя кадры трохі нагадваюць нейкі фантастычны фільм. Зрэшты, пра мэтазгоднасць такога добраўпарадкавання кожны вольны судзіць сам. Адзінае, што грошы пры гэтым выдаткоўваюцца агульныя, бюджэтныя.

Што тычыцца правядзення работ выкасу травы ўлетку, то яны, безумоўна, неабходныя. Але павінны весціся разумна, у ашчадным для зялёнага пакрыцця рэжыме. А многія гамельчукі звярнулі ўвагу, што траву выкошвалі занадта часта, да самага грунту. У моцную летнюю спякоту, якая стала звычайнай з'явай для нашага рэгіёну. Гэта вядзе да пашкоджання каранёвай сістэмы. Вынікам становіцца высыханне рэшткаў травянога покрыва, а затым - і эрозія глебы. Гінуць і казуркі, і іншыя насельнікі павярхоўнага пласта грунту, парушаецца водны і паветраны абмен.

Можна толькі меркаваць, якія «эканамічныя» меркаванні прымушаюць з зайздроснай упартасцю праводзіць такія работы ў любы сезон і ў любое надвор'е.