Гольдфарб: Расейская ўлада занадта нізка ўпала ў вачах разумных людзей ва ўсім свеце

Дыскрэдытаваць «спіс Магніцкага» не атрымаецца.

Інфармацыя пра тое, што Генпракуратура Расеі западозрыла бізнэсоўца Уільяма Браўдэра ў датычнасці да смерці юрыста фонду Hermitage Capital Сяргея Магніцкага, ніяк не адаб'ецца на санкцыйным «спісе Магніцкага», бо ў сусветнай супольнасці больш няма даверу расейскім уладам. Такое меркаванне ў каментары выданню «Гордон» выказаў публіцыст, навуковец і кіраўнік Фонду Літвіненкі Аляксандр Гольдфарб.

«Логіка ў дзеяннях Масквы, вядома, ёсць. Ім трэба пастаянна падсілкоўваць прапагандай машыну прамывання мазгоў. Такія рэжымы, як у Расеі, заўсёды маюць патрэбу ў вобразе вонкавага дэманічнага ворага. У свой час такімі былі [бізнэсоўцы Барыс] Беразоўскі, [рэвалюцыянер Леў] Троцкі. Цяпер на гэтую ролю вызначылі Браўдэра. Расейская прапаганда стварыла яму вобраз змрочнага персанажа, які ўвасабляе змову супраць РФ. То бок, гэта спроба персаніфікаваць вобраз ворага», - адзначыў Гольдфарб.

Ён не выключае, што дзеянні Генпракуратуры РФ звязаныя з магчымым увядзеннем Захадам новых антырасейскіх санкцый.

«Ёсць і іншыя прычыны. Цяпер на Захадзе актывізавалася абмеркаванне аб узмацненні жорсткасці санкцый супраць Расеі. А справа Магніцкага - сімвалічная. З яго, уласна, і пачалася гісторыя санкцый супраць РФ. Дыскрэдытаваць «спіс Магніцкага» не атрымаецца. Расейская ўлада занадта нізка ўпала ў вачах разумных людзей ва ўсім свеце. Любое абвінавачванне з іх боку расцэньваецца як дзеянне са шкоднай. Менавіта таму я думаю, што гэтае падазрэнне РФ, перш за ўсё, разлічанае на ўнутраную аўдыторыю», - падкрэсліў Гольдфарб.

Расейскае следства вывучае версію датычнасці фінансіста Браўдэра да гвалтоўнай смерці юрыста фонду Hermitage Capital Сяргея Магніцкага ў маскоўскім СІЗА, паведаміў сёння на брыфінгу ў Генеральнай пракуратуры Расеі дзяржаўны саветнік юстыцыі 3-га класа Міхаіл Аляксандраў.

З ягоных слоў, Браўдэр меў матыў на фізічную ліквідацыю Магніцкага «ў мэтах утойвання ўчыненых ім злачынстваў».

Каментуючы агучаныя ў РФ падазрэнні, Браўдэр адзначыў, што сваёй ініцыятывай стварыць «спіс Магніцкага» ён ударыў Крэмль «у самы нерв».

Заснавальнік фонду Hermitage Capital фінансіст Браўдэра быў адным з ініцыятараў прыняцця ў ЗША і Канадзе законаў, якія прадугледжваюць візавыя і эканамічныя санкцыі ў дачыненні да расейцаў, якія маюць дачыненне да парушэнняў правоў чалавека. Гэтыя законы названыя ў гонар загінулага юрыста Hermitage Capital Сяргея Магніцкага. У РФ Браўдэр быў двойчы завочна асуджаны і абодва разы прысуджаны да дзевяці гадоў калоніі (на абвінавачванне ў падатковых махінацыях і нявыплаце падаткаў). Ён заяўляў, што ў яго ёсць довады вываду ў Еўропу даходаў ад ашуканскіх дзеянняў грамадзян Расеі на $230 млн.

Аўдытар Hermitage Capital Магніцкі, які заявіў пра існаванне гэтых схем, памёр у 2009 годзе ў следчым ізалятары ў Маскве ва ўзросце 37 гадоў ад сардэчных праблем. Расейскія праваабаронцы сцвярджаюць, што прадстаўнікі ўлады свядома ігнаравалі дрэнны стан яго здароўя, каб прымусіць яго замаўчаць з нагоды выяўленых ім падатковых злоўжыванняў супрацоўнікамі праваахоўных органаў.

Браўдэр часта крытыкуе расейскія ўлады. Ён уважаў прэзідэнта РФ Уладзіміра Пуціна самым багатым чалавекам у свеце і ацэньваў яго багацце ў $200 млрд.

Былы агент КДБ Барыс Карпічкаў у інтэрв'ю Bloomberg у сакавіку 2018 года распавёў пра існаванне спісу з васьмі чалавек, якіх, з яго слоў, збіраюцца забіць расейскія спецслужбы. У гэтым спісе ёсць Браўдэр.