Сіноптыкі: У пятніцу чакаецца да + 3°С

Прагноз надвор'я на найбліжэйшыя тры дні.

23 лістапада надвор'е Беларусі будзе вызначаць вобласць падвышанага атмасфернага ціску. Чакаецца воблачна з праясненнямі. Без істотных ападкаў. Месцамі слабыя туман і галалёд, піша Гідрамет.

На асобных адцінках дарог галалёдзіца. Вецер уночы паўночны, удзень пераменных кірункаў, слабы да сярэдняга. Тэмпература паветра мінімальная ўночы -2..- 8°С, максімальная - у сярэдзіне дня -3.. +3°С. Атмасферны ціск уначы істотна не зменіцца, удзень будзе слаба расці.

24 лістапада ўночы ў асноўным захаваецца ўплыў вобласці падвышанага атмасфернага ціску, удзень надвор'е абумовіць малаактыўны франтальны раздзел, які перамяшчаецца з Заходняй Еўропы. Месцамі пройдуць невялікія кароткачасовыя ападкі (снег, мокры снег, удзень на паўднёвым захадзе з дажджом). У асобных раёнах туман, слабы галалёд, на дарогах галалёдзіца. Вецер паўднёвай чвэрці сярэдні. Тэмпература паветра мінімальная ўночы -2..- 8°С, пры праясненнях да -11°С, максімальная ўдзень -3.. +3°С.

25 лістапада рэспубліка будзе знаходзіцца пад уплывам атмасферных франтоў. Месцамі чакаюцца кароткачасовыя ападкі (снег, мокры снег, па паўднёвым захадзе краіны з дажджом). У асобных раёнах туман, слабы галалёд, на дарогах галалёдзіца. Вецер пераменных кірункаў, сярэдні. Тэмпература паветра мінімальная ўночы 0..-7°С, максімальная - удзень -3.. +3°С.