Беларуская фрыстайлістка Гуськова: У мяне ў калене два тытанавых ніта стаяць
3- 22.11.2018, 21:55
- 16,822
Алімпійская чэмпіёнка Пхенчхана распавяла пра перыяд аднаўлення пасля Гульняў 2018.
Алімпійская чэмпіёнка Пхенчхана ў фрыстайле Ганна Гуськова ў гутарцы з карэспандэнтам «Прессбола» распавяла пра перыяд аднаўлення пасля Гульняў 2018.
- Мікалай Казека сказаў, што цяперашні сезон табе, хутчэй за ўсё, давядзецца прапусціць.
- Магчыма, гэта і да лепшага. Добра было б траўму залячыць цяпер, чым мець з ёй праблемы ў перадалімпійскі і алімпійскі сезон. Іншая справа, незразумела, якім будзе тэрмін рэабілітацыі. Магчыма, іголкі і кропельніцы дапамогуць зняць запаленне, а можа, працэс зацягнецца яшчэ на некалькі месяцаў. Але мне хочацца, каб усё прайшло хутчэй і на два заключныя этапы Кубка свету я ўсё ж такі трапіла.
- Спяшацца не трэба.
- Я ўсё разумею, але наперадзе чэмпіянат свету, на якім яшчэ не перамагала. Праз яго ў асноўным і перажываю.
- Аднак апетыт прыходзіць падчас ежы.
- А чаму я не павінна пра гэта думаць? Я нармальная спартоўка, якая заўсёды і ўсюды хоча змагацца толькі за першае месца. Вось выйграю чэмпіянат свету і тады, напэўна, трохі супакоюся. Але затым будзе наступная мэта - Алімпіяда.
Наогул-то калена балела ў мяне і ў Пхенчхане. Але тады быў драйв, і, напэўна, гэта нівеліравала боль. А цяпер яна такая, што трэніравацца немагчыма. Скокнула пару разоў на ваду, і ўсё.
- Гэта тое самае калена, дзе тытанавы ніт стаіць?
- Так, іх там нават два. Але гэта ўсё глупства, яны не замінаюць. У перадалімпійскім 2017-м у мяне на ім жа выразалі меніск, так што прывыкла, што з правай нагой вечна нейкія прыгоды. Думаю, гэта тэма вядомая многім спартоўцам.
Нагрузкі даюць аб сабе ведаць, і звязкі з часам здаравейшыя не становяцца. Значыць, трэба было быць ашчаднай, лячыць. Я ж разумею, што для будучых перамог (спадзяюся) трэба прайсці ўвесь працэс рэабілітацыі. Хоць ведаеш, як хочацца скакаць?! - сказала Гуськова.