Раналду і Мэсі няма сярод трох фіналістаў «Залатога мяча»

Прэстыжная прэмія ўпершыню з 2008 года здабудзе новага ўладальніка.

Прэстыжная прэмія «Залаты мяч», якую 3 снежня ўручаць найлепшаму футбалісту свету паводле версіі «France Football», упершыню з 2008 года здабудзе новага ўладальніка, паведамляе pressball.by.

Дзесяць гадоў запар трафей нязменна даставаўся Крыштыяну Раналду альбо Ліянэлю Мэсі.

Паводле звестак Tuttosport, у 2018 годзе абодва гэтыя футбаліста не ўвайшлі ў лік трох фіналістаў.

Барацьба за ўзнагароду разгорнецца паміж чэмпіёнамі свету Рафаэлем Варанам і Кіліянам Мбапе, а таксама харватам Лукой Модрычам, які здабыў серабро сусветнага першынства ў Расеі.