Відэафакт: «узорных» паводзін ДАІ ў Магілёве

Даішнік праехаў на чырвонае святло адразу двух святлафораў.

На відэарэгістратар магілёўца патрапілі «ўзорныя» паводзіны экіпажа ДАІ ўначы ў цэнтры горада: кіроўца зусім безапеляцыйна перасёк два пешаходныя пераходы на забараняльны сігнал, піша mogilev.online.

Мяркуючы з упэўненасці, з якой гэта было зроблена, можна меркаваць, што двума пераходамі справа не абмежавалася - праезд астатніх проста не трапіў на відэа.

Пра якую-небудзь тэрміновасць у рухах экіпажа наўрад ці можна казаць: аўто перасоўвалася без уключаных пробліскавых маячкоў. Яны запрацавалі толькі ў момант перасячэння першага з пераходаў. У момант праезду другога кіроўца ўжо палічыў лішнім іх уключаць.