Расейскаму мільярдэру Рыбалоўлеву выставілі абвінавачанне ў Манака

Справа звязаная з антыкарупцыйным расследаваннем, якім больш за год займаецца пракуратура Манака.

У Манака выставілі абвінавачванні ў карупцыі ў гандлі ўплывам расейскаму бізнэсоўцу Дзмітрыю Рыбалоўлеву, паведамляе Nice Matin са спасылкай на генпракуратуру княства.

Рыбалоўлева вызвалілі з-пад варты, пакінуўшы пад судовым наглядам.

Акрамя таго, абвінавачванні выставілі адвакатцы Таццяне Бершэдзе, а таксама жонцы і сыну былога міністра юстыцыі Манака Філіпу Нарміну.

Як паведамлялася, 6 лістапада затрымалі расейскага мільярдэра Дзмітрыя Рыбалоўлева. Рыбалоўлеў быў затрыманы для допыту паводле справы аб карупцыі. У яго дома ўлады княства правялі ператрус.