Стралок са Страсбурга ўцёк ад паліцыі на скрадзенай таксоўцы
4- 12.12.2018, 11:12
- 10,559
Таксіст не пацярпеў і ўжо дае сведчанні.
Мужчына, які адкрыў агонь на калядным кірмашы ў цэнтры Страсбурга, уцёк з месца здарэння на скрадзенай таксоўцы.
Са звестак следчых, пасля інцыдэнту ўзброены мужчына спыніў таксоўку і з'ехаў з гістарычнай часткі горада, паведамляе France Info.
Таксіст не пацярпеў і дае сведчанні паліцыі. Паводле ягоных слоў, стралок сапраўды паранены. Яго месцазнаходжанне невядомае.
Стралка шукаюць блізу 600 паліцэйскіх і жандараў. Са звестак МУС Францыі, яго асоба высветленая. Са слоў міністра, гаворка ідзе пра чалавека, які ў Францыі і Нямеччыне быў прызнаны вінаватым у не звязаных з тэрарызмам злачынствах і ўжо адбыў свае турэмныя тэрміны.
11 снежня 2018 гадоў у Страсбургу адбылася страляніна ў раёне правядзення штогадовага каляднага кірмашу. У выніку інцыдэнту загінулі тры чалавекі, 12 былі параненыя.