Тоні Блэр: Трэба рыхтавацца да другога рэферэндуму аб Brexit

Парламент Вялікай Брытаніі, хутчэй за ўсё, не падтрымае ўкладзенае пагадненне.

Былы прэм'ер-міністр Вялікай Брытаніі Тоні Блэр мяркуе, што Вялікая Брытанія і ЕЗ павінны рыхтавацца да другога рэферэндуму аб Brexit, бо парламент, хутчэй за ўсё, не падтрымае ўкладзенае пагадненне, паведамляе «Европейская правда».

На думку Блэра, лідары ЕЗ павінны прапанаваць рэформу блока, якая стымулявала б Брытанію ў ім застацца.

«Цяперашні час павінен быць часам падрыхтоўкі - для парламента, каб ацаніць варыянты адабрэння ўгоды або рэферэндуму, для Еўропы, каб пераканацца, што ў выпадку змены Брытаніяй сваёй пастановы Брусэль да гэтага гатовы», - сказаў ён.

Блэр неаднаразова заклікаў перагледзець пастанову аб Brexit. На ягоную думку, Brexit без пагаднення будзе мець значна больш катастрафічныя наступствы для эканомікі, чым другі рэферэндум.

«Мы ведаем варыянты аб Brexit. Парламент павінен абраць адзін з іх. Калі ён не зможа выбраць, значыць, трэба зноў аддаць усе пастановы народу», - сказаў экс-прэм'ер Вялікай Брытаніі.

Нагадаем, лідары 27 краін ЕЗ на спецыяльным пасяджэнні Еўрапейскай Рады ў чацвер пацвердзілі прыхільнасць да пагаднення аб Brexit і заявілі, што не маюць намер яго пераглядаць.