Амбасадары ЕЗ далі «зялёнае святло» эканамічным санкцыям супраць РФ
4- 17.12.2018, 14:08
- 10,910
Эканамічная ізаляцыя Крамля прадоўжыцца.
Амбасадары ЕЗ у панядзелак узгаднілі падаўжэнне эканамічных санкцый супраць РФ яшчэ на паўгода.
Пра гэта ў Twitter паведаміў брусэльскі карэспандэнт «Радыё Свабода» Рыкард Ёзвяк, піша eurointegration.com.ua.
«Амбасадары ЕЗ далі «зялёнае святло» падаўжэнню эканамічных санкцый супраць Расеі яшчэ на паўгода», - паведаміў журналіст. З ягонвх слоў, аб гэтай пастанове будзе афіцыйна абвешчана пазней на гэтым тыдні.
EU ambs have now given green light to prolong the economic sanctions against #Russia for another six months. Should be official later this week. #Ukraine #Crimea
— Rikard Jozwiak (@RikardJozwiak) 17 декабря 2018 г.
Аб захаванні санкцый супраць РФ на мінулым тыдні на саміце ў Брусэлі дамовіліся лідары дзяржаў-чальцоў ЕЗ. Палітычная пастанова прынятая, нягледзячы на намер Італіі заблакаваць яе.
Як вядома, раней афіцыйны Рым неаднаразова заяўляў аб намерах заблакаваць падаўжэнне санкцый у ранейшым аб'ёме. Паслабленне санкцыйнага ціску - адзін з пунктаў праграмы ўрада Італіі.
