Вольга Назарава: Са старонак дзяўчат у сацсетках відаць, што гэтая перамога стала для іх гістарычнай

Экс-біятланістка каманды Беларусі пракаментавала выступ беларусак на другім этапе Кубка свету ў Хохфільцэне.

Экс-біятланістка нацыянальнай каманды Вольга Назарава пракаментавала выступ беларускай жаночай каманды на другім этапе Кубка свету ў Хохфільцэне. Словы экспэрта прагучалі ў праграме "Агнявы рубеж" на тэлеканале "Беларусь 5", паведамляе pressball.by.

- Радуе станоўчая дынаміка вынікаў Ірыны Крыўко. У яе з'яўляецца ўжо больш упэўненасці. Прыемна, што яна ўжо ўзяла на сябе цяжар лідарства. Гэты сезон посталімпійскі, і хочацца зычыць трэнерскаму штабу, магчыма, падумаць над тым, каб даць у гэтым сезоне Ірыне аднавіцца і фізічна, і маральна. Відаць, наколькі яна зараджаная. Таму што яна ў кожным стане гатовая бегчы і паказваць сябе ва ўсёй красе.

- Як ацэніце выступ нашага квартэта ў эстафеце?

- Відаць, са старонак дзяўчат у сацсетках, наколькі гістарычнай стала гэтая перамога для іх. Дзяўчаты раскрыліся. Відаць, што яны свецяцца ад шчасця і гатовыя ісці наперад. Яны адчулі дух лідарства. Цалкам паказалі, што нашая чацвёрка цалкам канкурэнтаздольная. Асобна хацелася б падзякаваць нашай сэрвіс-групе. Думаю, нашы хлопцы былі б там у тройцы прызёраў. Адназначна.