У раёне Феадосіі абмежавалі рух суднаў праз «Адмірала Грыгаровіча»

Карабель абсталяваны крылатымі ракетамі «Калібр».

Вартавы карабель «Адмірал Грыгаровіч» выконвае манеўры ў раёне Феадосіі, рух суднаў там часова абмежаваны, распавялі агенцтву ТАСС у прэс-службе Паўднёвай вайсковай акругі (ПВА).

«Фрэгат «Адмірал Грыгаровіч» выконвае планавыя мерапрыемствы баявой падрыхтоўкі, устаноўленым парадкам абмежавалі рух у марскім раёне», - заявілі ў прэс-службе, не ўдакладніўшы, на які тэрмін увялі абмежаванні.

Раней агенцтва Reuters са спасылкай на відавочцу паведаміла, што ў раёне Феадосіі заўважылі расейскі фрэгат, які рухаецца ў напрамку Азоўскага мора. Назва карабля Агенцтва не ўдакладняе, але відавочца заявіў, што бачыў на яго борце гелікоптэр.

«Адмірал Грыгаровіч» - фрэгат праекта 11356, ён стаіць на ўзбраенні Чарнаморскага флоту Расеі, у яго авіяцыйную групу ўваходзіць адзін гелікоптэр - як правіла, гэта Ка-27ПЛ або Ка-31. Карабель абсталяваны крылатымі ракетамі «Калібр», у 2016 годзе ён удзельнічаў ва ўдарах па тэрарыстам у Сірыі.

25 лістапада расейскія памежнікі абстралялі і затрымалі тры ўкраінскія караблі і іх экіпажы ў Керчанскай пратоцы. У некалькіх абласцях Украіны ўвялі вайсковае становішча, уезд у краіну абмежавалі для расейцаў-мужчын ва ўзросце ад 16 да 60 гадоў.