Рэкордную колькасць нафтатанкераў здалі на металалом

Сумарная ёмістасць танкераў, адпраўленых на сметнік за год, стала максімальнай з 1985 года.

Адыходзячы 2018 год стаў рэкордным па колькасць нафтавых танкераў, здадзеных уладальнікамі на металалом.

Праз падзенне прыбыткаў танкерныя перавозчыкі адправілі на ўтылізацыю роўна 100 суднаў, чаго рынак не бачыў ні разу ў гісторыі.

Сумарная ёмістасць танкераў, адпраўленых на сметнік за год, стала максімальнай з 1985 года, паведамляе finanz.ru са спасылкай на Bloomberg.

Большая частка года стала цяжкай для танкерных перавозчыкаў праз падзенне кошту фрахту.

Трэнд разгарнуўся толькі ў верасні, калі ЗША пачалі падрыхтоўку, другога раўнда санкцый супраць Ірана, пераканаўшы ключавых пакупнікоў - ад Кітая і Індыі да Паўднёвай Карэі і Японіі - альбо цалкам спыніць гандаль, альбо скараціць яго ў разы.

З верасня стаўкі фрахту падскочылі больш чым утрая. У Паўночным моры фрахт судна, разлічанага на перавозку да 600 тысяч барэляў нафты, падаражэў да сярэдзіны снежня да 72 664 даляраў у дзень - максімуму за 3,5 года.

Супертанкеры ўмяшчальнасцю да 2 млн барэляў зарабляюць 58 тысяч даляраў у дзень на маршрутах з краін Блізкага Усходу ў Кітай, што з'яўляецца самым высокім узроўнем з пачатку 2017 года.