Новы Google Pixel можа стаць сапраўдным прарывам
1- 25.12.2018, 9:59
- 17,506
Амерыканскі гігант распрацоўвае новы канцэпт корпуса смартфона.
Пацвярджэнне гэтаму ёсць, бо ў інфармацыйнай базе ведамства ў патэнтах ЗША была апублікаваная яшчэ адна заяўка, якую Google падаў 25 ліпеня гэтага года, пра гэта паведамляе igeekphone.
Зыходзячы з апісання тэхналогіі, якая адзначаная ў патэнце, можна канстатаваць, што пошукавая карпарацыя збіраецца стварыць партатыўную прыладу. Пры гэтым у дакументах гаворыцца, што спосабаў адлюстравання кантэнту будзе некалькі. Такім чынам, карыстальнікі змогуць карыстацца экранам смартфона з некалькіх бакоў. Спецыяльна для гэтага будзе распрацавана абсалютна новае праграмнае забеспячэнне.
У складзеным стане прылада будзе функцыянаваць як тэлефон, а калі яго раскласці, то ён ператварыцца у планшэт. Таксама будзе нешта сярэдняе, калі раскласці прыладу толькі на палову. Пры гэтым кантэнт будзе адлюстроўвацца з розных бакоў.
Характэрна, што ў новай прылады будзе адсутнічаць франтальная камера, бо яна будзе зусім не патрэбная, бо смартфон можна будзе складаць і раскладваць, тым самым у аб'ектыў асноўнай камеры будзе трапляць неабходны малюнак.
На гэты момант невядома, ці будзе ўжытая гэтая тэхналогія ў наступным пакаленні Google Pixel. Не выключана, што распрацоўшчыкі пакінуць патэнт да найлепшых часоў.