Названае імя таямнічага пакупніка біткойнаў на мільярд даляраў

Інвестарам стаў кітайскі мільярдэр.

Як заяўляе выданне Finance Magnates, спасылаючыся на кітайскі партал навінаў Sina, нехта пад нікам «Yi Mei», набыў 96 000 біткойнаў на суму блізу 1 мільярда даляраў ЗША.

Уільям Дзін - мільярдэр, генеральны дырэктар кітайскай кампаніі NetEase, адным з асноўных кірункаў дзейнасці якой з'яўляецца распрацоўка тэхналогіі пошукавых сістэм і масавых шматкарыстальніцкіх онлайн-гульняў. З чутак, менавіта Уільям хаваецца пад нікам «Yi Mei». Такія меркаванні заснаваныя на скрыншотах перапісцы блізкіх сяброў Уільяма, паведамляе altcoin.info.

Містэр Дзін дагэтуль адмаўляе сваё дачыненне як да старонкі «Yi Mei», так і да куплі біткойнаў.

Вядома, што Дзін вялікі прыхільнік тэхналогіі блокчэйну. Ягоная кампанія інвеставала ў амерыканскі праект пад назвай ArcBlock, які прэтэндуе на тое, каб стаць «першым у свеце блокчэйнам для стварэння і развіцця дэцэнтралізаваных дадаткаў».

У кожным выпадку, хто б не стаяў за набыццём такой колькасці біткойнаў, купля гэтая вельмі значная. Асабліва, улічваючы нядаўняе становішча на рынку, якое моцна паўплывала на перспектывы не толькі біткойна, але і ўсіх крыптавалют.