Абраны ўкраінец, які прадставіць Украіну на «Еўравізіі-2018»
7- 25.02.2018, 17:26
- 16,033
Раней іншы ўкраінец быў адабраны для ўдзелу ў песенным конкурсе ад Беларусі.
Украінскі спявак Melovin будзе прадстаўляць Украіну на песенным конкурсе «Еўравізія-2018» у Лісабоне. Пра гэта паведамляе карэспандэнт выдання «Гордон».
За перамогу ў фінале нацыянальнага адбору спаборнічалі шэсць удзельнікаў:
Melovin з песняй Under the Ladder (5 балаў ад суддзяў і 6 ад гледачоў);
Tayanna з песняй «Леля» (6 балаў ад суддзяў і 4 ад гледачоў);
Kadnay з песняй Beat of the Universe (3 балы ад суддзяў і 5 ад гледачоў);
Laud з кампазіцыяй Waiting (4 балы ад суддзяў і 2 ад гледачоў);
Vilna з песняй Forest song (1 бал ад суддзяў 3 ад гледачоў);
The Erised з песняй Heroes (2 балы ад суддзяў і 1 ад гледачоў).
Прадстаўніца аўдытарскай кампаніі PwC Алена Волкава паведаміла, што падчас фіналу паступіла 179 тысяч галасоў.
«Я разумею, што калі паедзе Melovin, то ўсе будуць надзяваць вока (спявак носіць лінзы. - Заўвага.) ... Гэта будзе разынкай Лісабона. ... Я аддаю перавагу Melovin, таму што гэта спецыфічны конкурс, і ён там будзе больш запатрабаваны», - сказаў чалец журы артыст Андрэй Данілка.
Яшчэ адзін чалец журы - пераможца «Еўравізіі-2016» Джамала - параіла Melovin пазаймацца вакалам. «Табе ёсць над чым працаваць... Ты павінен з першай хвіліны паказаць, прабач за слова, прадаць сваю песню, з першай секунды... Працуй, працуй, працуй», - звярнулася да пераможцы нацыянальнага адбору спявачка.
Пасля абвяшчэння вынікаў Melovin паабяцаў прывезці «Еўравізію-2019» ва Украіну.
«Еўравізія 2018» пройдзе ў сталіцы Партугаліі Лісабоне 8-га, 10-га і 12 траўня. Украіна трапіла ў другі паўфінал.
Як раней паведамляў Charter97.org, яшчэ адзін украінец b>Alekseev прадставіць Беларусь на «Еўравізіі-2018».