Як Скардзіна за адзін сэзон спраўдзіла ўсе свае мары
7- 25.02.2018, 20:00
- 16,114
Неймаверны вынік беларускай біятланісткі.
Надзея Скардзіна да гэтага сэзону час ад часу цешыла заўзятараў высокімі вынікамі, найлепшы з якіх - бронзавы медаль індывідуальнай гонкі АГ 2014.
Але цяперашні сэзон, які можа стаць для Скардзіны заключным у кар'еры, атрымаўся проста чароўным. Яна дасягнула ўсяго, пра што марыла, піша «Трибуна».
29 лістапада 2017 у сваёй кароннай «індывідуалцы» Скардзіна прыйшла да фінішу першай - гэта здарылася ўпершыню ў ейнай кар'еры.
Агулам у гэтым сэзоне ў рамках Кубка свету правялі толькі дзве індывідуальныя гонкі. У другой Скардзіна стала сёмай - гэтага было дастаткова, каб здабыць Малы крышталёвы глобус у асабовым заліку.
А на Алімпіядзе ў Пхёнчхане здарыўся сапраўдны цуд - залатая эстафетная гонка.
Пра большае складана было і марыць.