Беларуска здабыла золата ў кіданні молата на Кубку Еўропы
- 12.03.2018, 10:36
- 7,443
Срэбра і бронза дасталіся спартоўкам з Францыі і Польшчы.
Беларуска Ганна Малышчык здабыла залаты медаль Кубка Еўропы ў кідках, які 11 сакавіка закончыліся ў партугальскай Лейрыі, паведамляе tut.by.
У найлепшай з двух заліковых спроб Ганна Малышчык адправіла молат на адзнаку 72,62 м, апярэдзіўшы найбліжэйшых канкурэнтак французку Аляксандру Тавернье (71,20) і Мальвіну Капрон з Польшчы (69,54).
- Радая, што пераадолела ўсе складанасці, якія былі да залатога медаля. Учора на размінцы падвярнула плячук, і мне давялося ўносіць карэктывы ў тэхніку. Падладжвацца пад узніклыя акалічнасці: няпроста было з варункамі надвор'я. Было дастаткова цяжка кідаць у моцныя парывы ветру і дождж. Залаты медаль у маіх руках - гэта вынік нашай з трэнерам [Аляксандрам Носавым] працы, - падае словы Ганны Малышчык прэс-служба БФЛА.
Золата Ганны Малышчык - чацвёртая ўзнагарода беларускіх лёгкаатлетаў на Кубку Еўропы ў кідках. 10 сакавіка сярэбраныя медалі здабылі штурхальніца ядра Алена Дубіцкая ў спаборніцтвах дарослых атлетаў, а таксама кідальнік дыска Віктар Трус і кідальніца дзіды Ганна Тарасюк у спаборніцтвах сярод атлетаў да 23 гадоў.