Якія новыя «лісты шчасця» будуць дасылаць камеры хуткасці?

Улады рыхтуюць змены ў Кодэкс аб адміністрацыйных правапарушэннях.

Праблема выплаты так званага дарожнага збору ўжо які год на слыху. Кіроўцы разглядаюць яго як несправядлівы, і каб не плаціць, адмаўляюцца ад праходжання тэхагляду, без аплаты якой яго не пройдзеш. Калі трапляюцца - плацяць штрафы, выходзіць танней, піша kp.by.

Пытанне прапрацоўваецца Мінтрансам, цяпер сталі вядомыя падрабязнасці: для кантролю выплаты збору могуць выкарыстоўваць камеры хуткасці, якія цяпер стаяць ва ўсёй краіне. Кожны раз, калі такая камера сфатаграфуе машыну без тэхагляду, яе ўладальніку прыйдзе «ліст шчасця»:

- Мы зможам выкарыстоўваць камеры для многіх мэтаў, у тым ліку і для кантролю за выплатай добраахвотнага страхавання і кантролю за дарожнай сітуацыяй, - распавёў у эфіры «Беларусь 1» Андрэй Рыбак. - Гэта нязначнае ўдасканаленне не патрабуе вялікіх грашовых сродкаў, а тыя дывідэнды, якія мы можам атрымаць і ў бяспецы, і ў пытанні кантролю, могуць быць вельмі значнымі.

У кампаніі «Бяспечныя дарогі Беларусі», якая абслугоўвае адзіную сістэму фотафіксацыі парушэнняў ПДР, паведамілі, што маюць тэхнічную магчымасць падключыць да сваёй сістэме базу звестак ТА і аплачаных страховак, калі такія будуць пададзеныя адпаведнымі арганізацыямі - РУСП «Белтэхагляд» і Беларускае бюро транспартнага страхавання, якое аб'ядноўвае страхавыя канторы. Яшчэ адзін момант: для таго, каб новая сістэма запрацавала, трэба ўносіць змены ў Кодэкс аб адміністрацыйных правапарушэннях.

Акрамя таго, выплату дзяржаўнага збору могуць і зусім адвязаць ад тэхагляду:

- Сёння найбольш перспектыўны і рэвалюцыйны варыянт, які прапанавала рабочая група, - не прывязваць выплату дзяржаўнага збору да тэхагляду, - заявіў старшыня сталай камісіі «палаты прадстаўнікоў» прамысловасці, паліўна-энергетычнага комплексу, транспарту і сувязі Андрэй Рыбак. - Прапануецца выплата паводле заяўнага прынцыпу. Як гэта працуе? Калі чалавек не ездзіць зімой, ён не плаціць за гэты час. Калі ён ведае, што ў красавіку будзе карыстацца аўто - ідзе і аплачвае пэўны перыяд: месяц, два ці больш. Мяркуецца, што гэта будзе ўжо не мыта, а транспартны збор. Гадавая стаўка будзе разбітая па месяцах. Акрамя таго, плануецца задзейнічаць матывавальны механізм: пры выплаце за год і больш выкарыстоўваць каэфіцыент 0,9, - сказаў Андрэй Рыбак.

Гісторыя пытання

Новым падаткам беларускіх аўтаўладальнікаў абклалі з пачатку 2014 года: дзяржаўны збор за допуск аўтамабіля да ўдзелу ў дарожным руху. Яго велічыня залежыць аб масы аўтамабіля. На большасць легкавікоў (дазволеная максімальная маса якіх - ад 1,5 да 2 тон) складае 147 рублёў за год. Аплачваць мыту трэба падчас праходжання тэхагляду. Многія кіроўцы з тых часоў пастанавілі: тэхагляд не праходзіць, збор не плаціць - маўляў, штрафы ўсё адно каштавацьме танней. Паводле афіцыйнай статыстыкі 30% усіх кіроўцаў краіны сталі ездзіць без тэхагляду. Праз паўгода пасля ўвядзення збору, павялічылі штраф за няпройдзены тэхагляд і ўвялі паўторнасць. А ў 2016 годзе Мінтранс прапанаваў наогул забараніць рух аўто, якія не прайшлі тэхагляд. Тлумачылі ўсё, вядома, бяспекай, але ў кулуарах казалі, што мэта новаўвядзення - збор. У выніку прапанова не прайшла. З тых часоў кіраўніцтва краіны прыдумляе, як абавязаць кіроўцаў аплачваць збор, а заадно і праходзіць тэхагляд - да гэтага моманту ад гэтай працэдуры адмовілася ўжо палова кіроўцаў.