Рассельгаснагляд западозрыў Беларусь у рээкспарце пекінскай капусты

З пачатку года ў РФ паставілі з Беларусі 359 партый пекінскай капусты.

«Рассельгаснагляд» западозрыў Беларусь у рээкспарце пекінскай капусты. Такую інфармацыю распаўсюдзіла прэс-служба ведамства.

Там заўважылі, што з пачатку гэтага года зафіксаваны ўвоз 359 партый пекінскай капусты (6029,2 тоны). За аналагічны перыяд мінулага года завезлі 59 партый агульнай вагой 939,1 тоны. Гэта значыць, Беларусь павялічыла аб'ёмы паставак пекінскай капусты ў шэсць разоў.

«Зыходзячы з названых звестак можна меркаваць, што пад выглядам беларускай раслінаводчай прадукцыі на тэрыторыю РФ пастаўляецца прадукцыя з трэціх краін. Сітуацыя выклікае недавер да сістэмы фітасанітарнага кантролю, які вядзецца беларускім бокам, і дыскрэдытуе Беларусь як надзейнага гандлёвага партнёра», гаворыцца ў інфармацыі.