Дырэктар спортклуба са Смаленска вазіў у Беларусь галюцынагенныя грыбы

За гэта ён атрымаў 6 гадоў узмоцненага рэжыму.

37-гадовы дырэктар спортклуба са Смаленска, асуджаны на 6 гадоў калоніі ўзмоцненага рэжыму за перавозку праз польска-беларускую мяжу галюцынагенных грыбоў.

Мужчыну затрымалі ў снежні мінулага года. 17 снежня ў службовым памяшканні пункта мытнага афармлення «Варшаўскі мост» на беларуска-польскай мяжы ў яго з-пад рэмня штаноў дасталі грыбы, якія ўтрымліваюць у сваім складзе псілацын і псілацыбін, паведамляе tut.by.

21 сакавіка суд прызнаў мужчыну вінаватым у захоўванні і перавозцы псіхатропаў з мэтай збыту, а таксама іх незаконным перамяшчэнні праз мяжу.

Прысуд не ўвайшоў у законнае дзеянне і можа быць абскарджаны.