Рада БНК патрабуе неадкладнага вызвалення ўсіх палітвязняў
4- 24.03.2018, 15:27
- 10,977
Беларускі Нацыянальны Кангрэс выступіў з заявай.
Тэкст заявы Рады БНК апублікаваў адзін з яе лідараў Мікола Статкевіч.
- Перад святкаваннем 100-й гадавіны аднаўлення незалежнасці, якое некаторыя ўжо паспяшаліся абвясціць днём кансалідацыі грамадства і незаконнай улады, рэжым беспадстаўна арыштоўвае патрыётаў. У Менску арыштаваныя пяць лідараў і актывістаў Беларускага Нацыянальнага Кангрэсу - Уладзімір Някляеў, Вячаслаў Сіўчык, Яўген Афнагель, Максім Вінярскі і Леанід Кулакоў.
Рада БНК патрабуе неадкладнага вызвалення нашых таварышаў, а таксама ўсіх палітвязняў. Мы яшчэ раз заклікаем грамадзян Беларусі да ўдзелу ў святочных імпрэзах, прысвечаных 100-му Дню Волі.
Масавы ўдзел у святкаваннях, асабліва ў Маршы годнасці і свабоды, які пачнецца 25 сакавіка а 12.00 на плошчы Якуба Коласа ў Менску, будзе найлепшым адказам на спробы рэжыму запалохаць народ.
Уладу - народу!
Жыве Беларусь!