У Гомелі зноў затрымалі кіраўнікоў абласной управы юстыцыі

Чыноўнікам выставілі абвінавачванне паводле карупцыйнага артыкулу.

Следчы камітэт пацвердзіў затрыманне дзвюх службовых асоб ва ўправе прымусовага выканання пры Гомельскай абласной управе юстыцыі, піша onliner.by.

Відавочна, гаворка ідзе пра начальніка ўправы прымусовага выканання і аднаго з ягоных падначаленых. Чыноўнікам выстаўленае абвінавачванне паводле карупцыйнага артыкула. Папярэдне кіраўніца гэтай управы было асуджанае ў мінулым годзе за хабар.

Ва ўправе СК Гомельскай вобласці паведамілі, што службовыя асобы абвінавачваюцца паводле часткі 4 артыкула 210 КК (крадзеж шляхам злоўжывання службовымі паўнамоцтвамі, учынены ў асабліва вялікай суме, групай асоб). Калі затрыманыя чыноўнікі і ў чым канкрэтна абвінавачваюцца, не паведамляецца. Раней аб усіх затрыманых чыноўніках у Гомельскім аблвыканкаме станавілася вядома з вялікай адтэрміноўкай.

2 кастрычніка 2017 года папярэдняе кіраўніца ўправы прымусовага выканання было прысуджанае да 3 гадоў пазбаўлення волі ў калоніі агульнага рэжыму з канфіскацыяй маёмасці за хабар. Прычым, паводле матэрыялаў абвінавачвання, прадметамі хабараў часта выступалі прадукты і прадметы ўжытку - налічылі 8 эпізодаў на суму 250 рублёў.

За некалькі месяцаў да гэтага абвінавачванне ў атрыманні хабараў палівам выстаўлялі судоваму выканаўцу, які працаваў у галоўнай управе юстыцыі Гомельскага аблвыканкама.