Жыхар Слуцка вынес з крамаў дзясяткі тысяч бясплатных пакетаў

Міліцыя яго затрымала, але адпусціла - злачынства няма.

Пры аглядзе кватэры жыхара Слуцка знайшлі цэлы склад бясплатных пакетаў. Каб іх вывезці, спатрэбіўся цэлы мікрааўтобус. А ў выніку (пасля разбору) усё пакуначкі прывезлі жыхару Слуцку дадому назад. Складу злачынства няма, паведамляе kurjer.info.

У сярэдзіне сакавіка слуцкім праваахоўнікам давялося разглядаць заявы адразу ад трох гандлёвых сеткавых кампаній. 24-гадовы жыхар Слуцка сістэматычна выносіў з гандлёвых залаў шасці розных крамаў горада бясплатныя фасовачныя пакеты.

Ахова крамаў заўважыла гэта па камерах відэаназірання, і, прагледзеўшы архівы, устанавіла, што ён гэта рабіў кожны дзень. Пасля гэтага адміністрацыі крамаў і звярнуліся ў праваахоўныя органы.

У рамках праверкі заявы міліцыя агледзела дом жыхар Слуцку (хлопец жыве ў прыватным сектары ў раёне Моладзевага цэнтра). У адным з пакояў і быў знойдзены цэлы склад новых пакуначкаў.

Паводле вопісу ў яго было канфіскавана 71 357 пакуначкаў. Падлік заняў блізу шасці гадзін. Пакуначкі давялося вывозіць на мікрааўтобусе.

Аптовы кошт аднаго пакуначка вагаецца ў межах 0,7-1 капейкі. Такім чынам, яго «склад» ацэньваецца на суму блізу 700 рублёў.

Міліцыі малады чалавек растлумачыў, што выносіў пакуначкі амаль кожны дзень на працягу двух гадоў. Кожны раз ён нібыта хацеў што-небудзь купіць (хлеб, гародніну і іншыя тавары), але перадумваў.

Наведваючы розныя крамы, у дзень ён выносіў па 50-100 пакуначкаў.

Жыхар Слуцку не даў міліцыі зразумелага адказу, што ён збіраўся рабіць з назапашаным «складам».

Ён сцвярджаў, што ніколі не прадаваў пакуначкі і не атрымліваў выгады. Міліцыі, пасля апытання яго сяброў, сваякоў і суседзяў, не ўдалося давесці адваротнае.

Пасля праверкі міліцыя не знайшла складу злачынства ў дзеяннях грамадзяніна. Пакеты давялося вярнуць.

Юрысты двух гандлёвых кампаній не згодныя з такімі высновамі міліцыі і складаюць заяву, каб усё ж прыцягнуць да адказнасці жыхар Слуцка і вярнуць вынесеныя з гандлёвых залаў пакеты.

У адміністрацыі аднаго з гандлёвых прадпрыемстваў «Кур'ер» на ўмовах ананімнасці растлумачылі, што ахоўнікі крам абмяняліся фатаграфіямі маладога чалавека і цяпер, калі ён будзе наведваць іх, будуць рабіць усё для таго, каб ён больш не выносіў пакеты. «Мы ўважаем, што ён наносіць шкоду не толькі нам, але і пакупнікам», - растлумачыў суразмоўца.