У Пскоўскай вобласці ў ДТЗ пацярпелі шэсць беларусаў

На трасе сутыкнуліся трактар і мікробус.

Шэсць чалавек атрымалі траўмы ў аварыі, якая адбылася 11 красавіка, пад 05.00, у Струга-Красненскім раёне Пскоўскай вобласці. Пра гэта паведамілі ў прэс-службе рэгіянальнай управы МУС.

Паводле папярэдняй інфармацыі, на 258-м кіламетры трасы Санкт-Пецярбург - Невель кіроўца трактара Volvo пры здзяйсненні развароту не ўпэўніўся ў бяспецы манеўру, з прычыны чаго адбылося сутыкненне з мікрааўтобусам Mercedes.

У мікрааўтобусе знаходзіліся 9 грамадзян Рэспублікі Беларусь. Шэсць з іх атрымалі траўмы рознай ступені цяжкасці і былі шпіталізаваныя ў Пскоўскі абласны шпіталь.

- На месцы здарэння працуе следча-аператыўная група і супрацоўнікі ДІБДР, высвятляюцца ўсе абставіны здарэння. Паліцыяй прымаюцца меры да інфармавання сваякоў пацярпелых у Рэспубліцы Беларусь, - паведамілі ў УМВД.