Ілан Маск падзяліўся ідэяй новага спосабу пасадкі ракеты
13- 16.04.2018, 21:29
- 17,051
Кіраўнік SpaceX прапанаваў вяртаць cтупені ракеты з дапамогай «паветранага шара».
Ілан Маск паведаміў у сваім твітэры пра ідэю новага спосабу пасадкі ракеты, паведамляе esquire.ru.
«Можа прагучаць шалёна, але... SpaceX паспрабуе вярнуць верхні блок ракеты, замарудзіўшы яе з арбітальнай хуткасці, выкарыстоўваючы гіганцкі паветраны шарык і потым прызямліць на батут», - распавёў Маск.
SpaceX will try to bring rocket upper stage back from orbital velocity using a giant party balloon
— Elon Musk (@elonmusk) 15 апреля 2018 г.
У каментарах Маск працягнуў удакладняць дэталі распрацаванага плана. «Гэта дапаможа стварыць гіганцкі аб'ект, які захоўвае сваю форму на ўсіх рэжымах Маха і змяншае балістычны каэфіцыент на 2 парадкі», - растлумачыў Маск.
Yeah, but great for creating a giant object that retains its shape across all Mach regimes & drops ballistic coefficient by 2 orders of magnitude
— Elon Musk (@elonmusk) 15 апреля 2018 г.
У адным з твітаў Ілан Маск паведаміў пра тое, што SpaceX плануе саджаць блокі на караблі па тыпу Mr Stevens, якія ўжо выкарыстоўваюцца кампаніяй.
У лютым гэтага года SpaceX запусцілі звышцяжкую ракету Falcon Heavy, якая вывела на арбіту Марса чырвоны кабрыялет Tesla Roadster. У цэлым пуск прайшоў паспяхова, але ўзніклі праблемы з цэнтральным элементам. У ракетным паскаральніку скончылася паліва, таму ён не здолеў запаволіцца для прызямлення. У выніку паскаральнік зваліўся ў Атлантычны акіян за 90 метраў ад плывучай платформы і разбіўся.
