Дзярждэпартамэнт ЗША часова ўзначаліў Джон Саліван
- 2.04.2018, 9:08
- 6,982
Саліван будзе кіраваць амерыканскай дыпламатыяй да зацвярджэння на пасадзе Майка Пампэа.
Першы намеснік дзяржаўнага сакратара ЗША Джон Саліван з 1 красавіка стаў выканаўцам абавязкаў старшыні Дзяржаўнага дэпартамента, пакуль працэдуру зацвярджэння на пасаду не пройдзе намінаваны Трампам Майк Пампэа.
Пра гэта ў Twitter паведаміла прэс-сакратар Дзярждэпартамента ЗША Хізэр Ноерт.
"Намеснік сакратара Джон Саліван з'яўляецца дасведчаным лідарам, які заслужыў давер і павагу сваіх калег і Белага дома. Паколькі ён узяў сёння на сябе паўнамоцтвы выканаўцы абавязкаў дзяржаўнага сакратара, Дзяржаўны дэпартамент будзе знаходзіцца ў надзейных руках, пакуль Майк Пампэа будзе праходзіць працэс зацвярджэння", - напісала Ноерт.
Deputy Secretary John Sullivan is an experienced leader who has earned the trust and respect of his colleagues and the @WhiteHouse. As he assumes the title of Acting Secretary of State today, @StateDept will be in steady hands as Mike Pompeo moves through the nomination process.
— Heather Nauert (@statedeptspox) 1 апреля 2018 г.
Нагадаем, прэзідэнт ЗША Дональд Трамп звольніў дзяржаўнага сакратара Рэкса Тылерсана і прапанаваў замяніць яго дырэктарам ЦРУ Майкам Пампэа. Намеснік былога дзяржаўнага сакратара ЗША Рэкса Тылерсана Стыў Голдштэйн таксама быў звольнены.
Камітэт Сэната ЗША ў замежных справах разгледзіць кандыдатуру Пампэа ў красавіку.
