Віктар Ерафееў: Я падазраю, што ўвогуле дзяржава расейская ўжо, магчыма, і памерла

Расейскі пісьменнік пра блакаванне Telegram і актуальны стан Расеі.

Расейскі пісьменнік Віктар Ерафееў на радыёстанцыі Эхо Москвы выказаўся пра актуальныя падзеі, якія адбываюцца ў Расеі.

Аб блакаванні Telegram

- Я прыгадваю, што я быў у Індыі, у Варанасі і чагосьці ў нас там самалёт кудысьці ляцеў. І я пайшоў з аэрапорта і шпацыраваў па джунглях вакол. І раптам нейкі свісток, там, яшчэ нейкі крык і ўсё іншае. Ну, я неяк не звярнуў увагі. І гляджу, такі, невялікага росту індус з вінтоўкай такой, узору 1898 года бяжыць і настаўляе на мяне.

І я стаў смяяцца. Я не тое, што падумаў, што ён мяне заб'е, але такое адчуванне, што чалавек з гэтай вінтоўкай і ён мяне палохае, і чым палохае... А мог бы і забіць.

Гэта значыць, атрымліваецца вось што. Гэта значыць, з аднаго боку, яны смешныя, а, з другога боку, я, напэўна, кудысьці не туды зайшоў і, вось, забілі.

Дык вось мне здаецца, што ўся наша сучасная Расея XXI стагоддзя, тыя, якія, сапраўды, сучасныя, яны ў дачыненні да гэтага індуса, у дачыненні да гэтай вінтоўкі не туды зайшлі. З аднаго боку, смешна, але, з іншага боку, забіць могуць.

Пра стан Расеі

- І вось цяпер гэта нейкая вось гэтая чырвоная такая сляпая кішка, якая, вядома, прыводзіць да знішчэння ўсяго арганізма. І я наогул цьмяна падазраю, што ўвогуле дзяржава расейская ўжо, магчыма, і памерла. Расея засталася, а яна сама... Вось, таму і хочуць падмарозіць, каб не смярдзела.

А тут вось такое адчуванне, што, вось, можна пратрымацца менавіта на замарожванні. Таму што, разумееш, ёсць 2 тыпы дактароў: ёсць рэаніматар... Ну, яны зразумела, што там цяжка, захварэў арганізм, назавем гэта дзяржавай Расея. Ну вось. Але ніхто яго не лечыць.

А з другога боку, ёсць тыя, якія замарожваюць у маразільніку, у моргу. І тады патрабуюцца зусім іншыя тэмпературы і зусім іншыя спецыялісты. Магчыма, гэтыя спецыялісты прыйшлі. Ну, колькі ж можна гэта ўсё трываць?