Трагедыя ў Таронта: фургон заехаў у групу пешаходаў

Пакуль невядома, ці быў наезд наўмысным.

У канадскiм Таронта фургон заехаў у натоўп людзей. Пра гэта паведамляе Twitter паліцыі Таронта, паведамляе liga.net.

Паводле звестак відавочцаў інцыдэнту, пацярпелі блізу 10 чалавек, некаторыя ляжалі на тратуары без прыкмет жыцця.

У паліцыі паведамілі пра 8 або 10 пацярпелых. Пра дакладную колькасць ахвяраў і пацярпелых гаварыць пакуль рана, пішуць канадскія праваахоўнікі.

Паводле расповедаў відавочцаў, белы мікрааўтобус схаваўся з месца трагедыі. Іншыя паведамляюць пра «шматлікія накрытыя целы».

Пакуль невядома, ці быў наезд наўмысным. Аднак, са слоў відавочцаў, белы фургон, рухаючыся з хуткасцю 95-110 км/г, свядома пераследваў пешаходаў, перш чым вярнуцца на аўтадарогу і схавацца.

Паліцыя паведаміла, што падазраваны ў наездзе затрыманы недалёка ад месца здарэння.