СБУ: Спецслужбы Беларусі спрабавалі завербаваць украінца
4- 25.04.2018, 12:54
- 13,289
Жыхар Чарнігаўскай вобласці перыядычна ездзіў у Беларусь, каб наведаць сваякоў.
Спецслужбы Беларусі спрабавалі завербаваць ўкраінца. Аб гэтым 25 красавіка паведаміла прэс-служба Службы бяспекі Украіны ў Facebook, піша "Гордан".
Жыхар Чарнігаўскай вобласці перыядычна ездзіў у Беларусь, каб наведаць сваякоў.
"Падчас чарговай паездкі ўкраінец быў затрыманы праваахоўнымі органамі гэтай краіны за нібыта парушэнне правілаў гандлю. Пры гэтым прадстаўнікі КДБ (Камітэта дзяржбяспекі. - заўв.) Беларусі, пагражаючы крымінальным пераследам, патрабаваў ад мужчыны перадаваць інфармацыю аб вайсковых аб'ектах на прымежнай тэрыторыі", - паведамілі ў СБУ.
Мужчына, вярнуўшыся ў Украіну, распавёў СБУ пра спробу вярбоўкі.
У СБУ адзначылі, што, згодна з арт 111 Крымінальнага кодэкса Украіны, за дзяржаўную здраду прадугледжана да 15 гадоў пазбаўлення волі, аднак укранец не выконваў заданняў замежнай спецслужбы і звярнуўся ў СБУ, таму суд вызваліў яго ад крымінальнай адказнасці.