Гомель адразу пасля аварыі на ЧАЭС: начальства ўцякае, дзеці маршыруюць

Улады дзейнічалі бездапаможна, бессэнсоўна і нават злачынна.

У Беларусі ўспамінаюць падзеі, звязаныя з Чарнобыльскай катастрофай.

Людзі, якія жылі ў гарадах і паселішчах, якія пацярпелі ад тэхнагеннай катастрофы, упэўненыя: улады дзейнічалі бездапаможна, бессэнсоўна і нават злачынна, паведамляе «Радыё Рацыя».

Адразу пасля аварыі ў зоне выкіду радыяцыі праводзіліся першамайскія дэманстрацыі з удзелам школьнікаў. Успамінае Ірына Іванова, якая падчас аварыі на Чарнобыльскай АЭС і адразу пасля яе жыла ў Гомелі: «Гомельскае партыйнае кіраўніцтва часткова ўцякло, часткова выправіла сваіх дзяцей як мага далей з горада. У той жа час рыхтаваліся да першамайскіх свят, і на плошчы праходзілі папярэднія рэпетыцыі. Школьнікаў ганялі, каб рэпетаваць парад».

Нагадаем, што першае афіцыйнае паведамленне аб аварыі на Чарнобыльскай атамнай электрастанцыі прагучала толькі праз два дні пасля катастрофы, 28 красавіка.