Самы высокі беларус шукае нявесту

Самы высокі беларус жыве сёння ў вёсцы Клайшы на Гарадзеншчыне.

Рост Вадзіма Заянчкоўскага - 216 см, а памер ступні - 52-гі. Яму 22 гады і пасля заканчэння ўніверсітэта ў Гародні ён працуе заатэхнікам.

Як выглядае жыллё самага высокага чалавека, дзе ён купляе адзенне і абутак, і як здаваў на пасведчанне кіроўцы? Глядзіце ў відэасюжэце «Белсата».

Вадзім - вельмі працавіты і спакойны хлопец, але яшчэ не знайшоў тую, якая падзеліць з ім жыццё. Просьба да дзяўчат, якім спадабаўся наш герой, і ўсіх, хто мае на прыкмеце пару для нашага героя: пішыце на наш электронны адрас koznyznas@gmail.com, і «Белсат» дасць вам нумар ягонага тэлефона.