Расейскі мільярдэр Барыс Мінц пераехаў з сям'ёй у Лондан

Прычынай стала «напружаная сітуацыя» з бізнэсам.

Уладальнік O1 Group Барыс Мінц і трое ягоных сыноў пакінулі Расею і пераехалі ў Лондан, паведамляюць «Ведомости» са спасылкай на дзве крыніцы, блізкія да ЦБ, федэральнага чыноўніка і суразмоўцы, знаёмага з сітуацыяй. Асноўны актыў фігуранта спісу найбагацейшых людзей Расеі, O1 Properties, павінен пры гэтым перайсці кіпрскай кампаніі Riverstretch Trading&Investments (RT&I).

Пераезд Мінца адзін з суразмоўцаў «Ведомостей» патлумачыў сітуацыяй, якая склалася з ягоным бізнэсам. «Сітуацыя склалася напружаная, спакайней з'ехаць», - растлумачыў ён. У самой O1 Group пракаментаваць інфармацыю выданню аб пераездзе асноўнага ўладальніка адмовіліся.

Са звестак газеты, перамовы аб продажы O1 Properties кіпрскай RT&I ужо ідуць. Як удакладняюць крыніцы, угоды можа быць закрытая ў тэрмін ад двух тыдняў да некалькіх месяцаў. Сума ўгоды не называецца. У той жа час рынкавы кошт партфеля кампаніі складае $4,23 млрд. З улікам крэдытаў, якія застаюцца на кампаніі кошт зніжаецца да $867,4. Такім чынам, доля O1 Group к O1 Properties можа ацэньвацца прыкладна на $616 млн. Пры гэтым, адзначае адная з крыніц, адным з варыянтаў угоды з'яўляецца пераход долі Мінца ў абмен на выплату пазык.

Прычынай сітуацыі, якая склалася «Ведомости» называюць складанасці ў перамовах Мінца з шэрагам банкаў аб рэструктурызацыі крэдытаў. Гэта ўжо прывяло да дэфолту аблігацый у звязаных з Мінцам кампаніях - напрыклад, «Прайм Финанс» і «О1 груп Финанс».

O1 Group была вінная Маскоўскаму крэдытнаму банку 25 млрд руб, піша выданне. Пазыка была перададзеная банкам канцэрну «Россиум», які, у сваю чаргу, перадаў яго на рэструктурызацыю RT & I, паведаміў прадстаўнік «Россиума». Сама RT&I, са звестак «Ведомостей», кантралюецца ТАА «Бизнестраст», якім праз ТАА «Финэстейт» валодае Павел Вашчанка, які працаваў у ГК «Регион».

Аб фінансавых праблемах структур Мінца стала вядома раней. Яшчэ ў верасні выявілася, што аб магчымай куплі долі Мінца задумалася кампанія China Vanke, якая ўваходзіць у рэйтынг Fortune Global 500. У лістападзе 2017 Арбітражны суд Масквы паводле пазову падлеглага санацыі банка «ФК Открытие» наклаў арышт на акцыі O1 Properties Limited Мінца. Банк у судовым разглядзе аспрэчваў угоду на суму больш за 30 млрд руб. Санацыя «Открытия» адбілася і на недзяржаўных пенсійных фондах бізнэсоўца - страты НПФ «Будущее» Мінца, укладзе ў санаваны банк, склалі 2,7 млрд руб.

«О1 груп финанс», яшчэ адна кампанія, якая ўваходзіць у структуру ўладанняў бізнэсоўца, у пачатку траўня дапусціла дэфолт у выкупе аблігацый на 13,9 руб. Прычынай стаў брак сродкаў на разліковым рахунку. Агульная сума неаплачаных аблігацый склала 13,9 руб.

O1 Properties спецыялізуецца на інвестыцыях у офісныя будынка класа А. Сярод аб'ектаў, што належаць кампаніі - бізнэс-цэнтры «Белая площадь» ля Беларускага вакзала; Lighthouse, «Аврора» і Vivaldi у Павялецкага вакзала; «Легенда» на Трубнай плошчы. Асноўным акцыянерам O1 Properties з'яўляецца O1 Group Барыса Мінца.

Барыс Мінц фігуруе на 72-м месцы ў спісе найбагацейшых бізнэсоўцаў Расеі паводле версіі Forbes. Ягонае багацце часопіс ацэньвае на $1,3 млрд.