Барысаўскія працоўныя: Нас штурхаюць да страйку

Прадпрыемства Менаблвыканкама мае завінавачанасць у заробку перад барысаўцамі яшчэ за студзень.

Супрацоўнікі «Ізаліткамунпрам» у Барысаве пяты месяц не атрымліваюць заробак цалкам. На іх рахункі з пачатку года перыядычна пералічваюць сумы, якія не кампенсуюць ўтвораную запазычанасць, піша ex-press.by.

Дзяржаўнае прадпрыемства «Ізаліткамунпрам» знаходзіцца ва ўласнасці Менскага аблвыканкама і належыць яму на праве гаспадарчага вядзення.

Яно ўваходзіць у структуру дзяржаўнага аб'яднання «ЖКГ Менскай вобласці». Зарэгістраванае ў аграгарадку Гатава Менскага раёна. Аднак прыкладна пятая частка ад агульнай колькасці работнікаў працуе ў Барысаве. Яны занятыя абслугоўваннем ліфтавай гаспадаркі шматпавярховых жылых дамоў. Гэта ліфцёры, механікі, аварыйная брыгада - усяго блізу сарака чалавек.

Сістэматычныя затрымкі выплаты заробку сталі тут хранічнымі яшчэ некалькі гадоў таму.

Упершыню пра сітуацыю з затрымкамі СМІ напісалі яшчэ больш за год таму, у красавіку 2017 года. З той пары на прадпрыемстве ўжо двойчы змянілася кіраўніцтва, але кардынальных перамен у аплаце працы супрацоўнікаў, з Барысава, не адбылося. І калі год таму ў рэдакцыю звярнуўся ўсяго адзін супрацоўнік прадпрыемства, а астатнія, паводле ягоных слоў, выбіралі «не высоўвацца», то цяпер, відавочна, чара цярпення ўжо перапоўнілася ў многіх.

Перад пачаткам працоўнага дня журналісты сустрэліся з работнікамі "Ізаліткамунпрам» на іх просьбу.

- Нас ніхто не чуе і не бачыць, - кажуць людзі. - Прыедуць, паабяцаюць і паедуць. А як жыць? Мы вычарпалі ўсе спосабы зваротаў, адусюль прыходзяць адпіскі. Да чаго нас штурхаюць? На крайнія захады?! Да страйку?!

Хтосьці жыве на дзіцячую дапамогу, якую плацяць жонцы ў дэкрэце, хтосьці на пенсію з прычыны інваліднасці (трэцяя група лічыцца рабочай), хтосьці на заробак мужа. А калі муж і жонка абодва працуюць на прадпрыемстве? Ёсць і такія сямейныя пары.

Як высветлілася, праблемы мэнэджмэнту не абмяжоўваюцца затрымкамі заробку, бракуе у спецадзення, інструментаў, запасных частак для рамонту ліфтавай гаспадаркі.

- Мы плануем выплаціць ўсе завінавачанасці за заробак на наступным тыдні і пачаць працу з нуля, - паведаміў цяперашні дырэктар прадпрыемства Алег Панкевіч (гутарка з ім адбыўся ў мінулую сераду 23 траўня). - У пятніцу, 25 траўня, мы падаем даведку, а ў панядзелак-аўторак да нас павінны паступіць грошы. Прынамсі, мне так сказалі.

Алег Панкевіч распавёў, што запазычанасці за заробак пачалі з'яўляцца задоўга да яго прыходу ў «Ізоліткамунпрам». Паводле ягоных слоў, грошы павінен выдаваць гаспадар - Менскі аблвыканкам, павялічыўшы статутны фонд на суму пазык. Пастанова пра гэта нібыта ўжо прынятая, хоць дырэктар не выключае варыянт з санацыяй - іншымі словамі, банкруцтвам.

Калі Менаблвыканкам усё ж дасць грошай, то дырэктар плануе адмовіцца ад усіх тыпаў дзейнасці прадпрыемства, акрамя абслугоўвання ліфтавай гаспадаркі. Гэта, на ягоную думку, дасць магчымасць выйсці на нармальны рэжым працы.