Лукашэнка звольніў намесніка Вакульчыка і кіраўніка КДБ Віцебскай вобласці

Ігар Бусько і Сяргей Феактыстаў звольненыя з вайсковай службы ў запас паводле ўзросту з правам нашэння вайсковай формы адзення.

Намеснік старшыні Камітэта дзяржаўнай бяспекі Ігар Бусько і начальнік упраўлення КДБ Віцебскай вобласці Сяргей Феактыстаў звольненыя з пасадаў.

Адпаведны ўказ Лукашэнка падпісаў 18 чэрвеня. Пра гэта паведаміла прэс-служба дыктатара.

Генерал-маёр Ігар Бусько і генерал-маёр Сяргей Феактыстаў звольненыя з вайсковай службы ў запас паводле ўзросту з правам нашэння вайсковай формы адзення і знакаў адрознення, гаворыцца ў паведамленні.

Ігар Бусько быў прызначаны на пасаду намесніка старшыні КДБ у красавіку 2013 года. Дагэтуль ён узначальваў Берасцейскі абласны КДБ.

Сяргей Феактыстаў узначальваў упраўленне КДБ Віцебскай вобласці з лютага 2014.