Брытанскія школьнікі запусцілі ў стратасферу пудынг

Дэсерт падняўся на 16 кіламетраў над зямлёй.

Брытанскі пудынг, запушчаны ў космас з сачыльнымі прыладамі, знік з экранаў манітораў.

Дэсерт запусцілі ў космас вучні пачатковай школы Св. Анзэльма ў Дэрбішыры ў панядзелак, прымацаваўшы яго да імправізаванага стратастата, каб сабраць грошы на дабрачыннасць, піша rusjev.net.

Як паказала прылада сачэння, пудынг падняўся на 16 кіламетраў. Апошні сігнал ад стратастата паступіў, калі ён знаходзіўся над вёскай Саксілбі, у Лінкальншыры.

Школьнікі па-ранейшаму спадзяюцца вярнуць дэсерт.