У Этыёпіі невядомы атакаваў з гранатай прэм'ер-міністра

Пацярпелі 132 чалавекі.

У Этыёпіі ў выніку атакі з гранатай на прэм'ер-міністра Абія Ахмеда Алі загінуў адзін чалавек, пацярпелі 132. Пра гэта паведамілі ў мясцовым Міністэрстве аховы здароўя, піша РБК са спасылкай на Reuters.

Як паведамляе агенцтва, інцыдэнт адбыўся ў цэнтры этыёпскай сталіцы Адыс-Абэбе, калі Ахмед Алі выступаў з прамовай перад сваімі прыхільнікамі. Са звестак Reuters, падчас ягонага выступу прысутнічалі дзясяткі тысяч чалавек.

Як распавялі відавочцы, пасля нападу ахоўнікі адвялі прэм'ер-міністра. Іншы суразмоўца агенцтва казаў, што нападніка, у якога была граната, паспелі схапіць паліцыянты, а потым адбыўся выбух.

Са слоў арганізатара мерапрыемства, нападнік нёс гранату і спрабаваў кінуць яе на сцэну, дзе стаяў прэм'ер-міністр. У паліцыі паведамілі, што былі знойдзеныя шэсць падазраваных, якія маглі быць датычныя да нападу.

Пасля нападу Ахмед Алі заявіў, што напад быў учынены тымі, хто не хоча, «каб Этыёпія была еднай».