Ларыса Шчыракова: Няма сэнсу ездзіць па судах, вынік вядомы загадзя
- 10.07.2018, 12:34
- 10,100
У Рэчыцы журналістку-фрылансерку аштрафавалі на $490.
Суддзя Рэчыцкага раённага суду Святлана Пырх прызнала вінаватай журналістку-фрылансерку Ларысу Шчыракову ў «незаконным вырабе прадукцыі СМІ» без акрэдытацыі для тэлеканала «Белсат» і аштрафавала на 40 базавых адзінак - 980 рублёў ($490), паведамляе baj.by.
Пасяджэнне суда прайшло без удзелу журналісткі. «Няма сэнсу ездзіць па судах - толькі час марнаваць. Вынік загадзя вядомы", - кажа Ларыса Шчыракова.
Яна паведаміла, што штраф вынесены за сюжэт «Сёння ў бітумнай яме гіне жывёла, заўтра - людзі?» Частку відэаздымкаў для яго «Белсат» выкарыстаў з асабістай старонкі Шчыраковай на Youtube.