У Менску затапіла частку нядаўна рэканструяванай Рэвалюцыйнай
13- 13.07.2018, 16:32
- 28,297
Сённяшні дождж стаў сапраўдным выпрабаваннем для пешаходнай зоны.
Пасля сённяшняга дажджу ў Менску затапіла частку нядаўна рэканструяванай вуліцы Рэвалюцыйнай. Пра гэта паведамляюць у сацсетках, піша tut.by.
На фота бачна, што падтапіла частку пешаходнай зоны на скрыжаванні Рэвалюцыйнай і Камсамольскай. МНС выехала на адпампоўку вады на адрас: Рэвалюцыйная, 7. Але яшчэ да прыезду ратавальнікаў яе адпампававала "Менская Спадчына".
Нагадаем, вуліцы Камсамольская і Рэвалюцыйная нядаўна рэканструявалі. Цяпер тут з'явілася пешаходная зона.
На пытанне, чаму ліўневую каналізацыю не схавалі пад зямлю, атрымалі адказ, што гэта вынікавала б павелічэнне тэрмінаў будаўніцтва і кошту. Паводле словаў Кохана, каб зрабіць адвод пад зямлю вадасцёкавай сістэмы, неабходна было пракласці пад зямлёй на глыбіні ад 1,4 да 2,5 метра сеткі ліўневай каналізацыі.
Але пад вуліцай размешчаныя іншыя дзейсныя інжынерныя сеткі – вадаправод, каналізацыя, сеткі электразабеспячэння. І іх давялося б у месцах выхаду ліўневай каналізацыі дэмантаваць і перакладаць. Вазьміся будаўнікі за гэтыя працы – давялося б пракладаць дадатковыя сеткі для аб'ектаў, а на рэканструкцыю вуліцы спатрэбілася б нашмат больш часу.
Так выглядае ліўнёўка ў добрае надвор'е
ФОТА: ВАДЗІМ ЗАМІРОЎСКІ, TUT.BY
Ситуация уже почти нормализовалась pic.twitter.com/OPrk4PSlFC
— 112.by МЧС Беларуси (@112by) 13 июля 2018 г.